Welcome to Госкомконкуренции РУз   Matnni eshitish uchun quyidagini bosing! Welcome to Госкомконкуренции РУз GSpeech
  eye                     
   
 

Sizga yaxshi ma’lumki, mamlakatimizda davlat tomonidan iste’molchilarning huquqi ustunligini hisobga olib, iqtisodiy faoliyat, tadbirkorlik va mehnat qilish erkinligini, barcha mulk shakllarining teng huquqliligini va huquqiy jihatdan bab-baravar muhofaza etilishini kafolatlangan (O‘zbekiston Respublikasi Konstitutsiyasi, 53-modda). Iste’molchilarning huquqlari davlat tomonidan himoya qilinishini davlat hokimiyati va boshqaruvi organlari, shuningdek sudlar ta’minlaydilar.

Bunda, ist’emol shakli va predmetidan kelib chiqib, Sizlarning huquqlaringiz himoyasi qator maxsus vakolat berilgan davlat organlari tomonidan amalga oshirib kelinmoqda, bular: O‘zbekiston Respublikasi Davlat raqobat qo‘mitasi; “O‘zstandart” agentligi, Sog‘liqni saqlash vazirligi; Davlat arxitektura va qurilish qo‘mitasi; Ekologiya va atrof-muhitni muhofaza qilish davlat qo‘mitasi kabilardir. Shuningdek, iste’molchilarning huquqlarini himoya qilish to‘g‘risidagi qonun hujjatlariga rioya etilishini o‘z vakolatlari doirasida nazorat qiluvchi boshqa davlat boshqaruvi organlari O‘zbekiston Respublikasi “Iste’molchilarning huquqlarini himoya qilish to‘g‘risida”gi Qonunining 23-moddasiga ko‘ra o‘z funksiyalarini bajarib kelmoqdalar.

Iste’molchilar huquqlari va manfaatlari himoya qilinishini ta’minlash uchun jamoatchilikni keng jalb etish, ichki iste’mol bozorida sifati past, odamlar hayoti va sog‘lig‘iga xavf tug‘diruvchi tovarlar sotilishiga yo‘l qo‘ymaslik ustidan jamoatchilik nazoratini kuchaytirish, aholining huquqiy va iste’mol madaniyatini oshirishga doir ishlarni faollashtirish maqsadida O‘zbekiston Iste’molchilar huquqlarini himoya qilish jamiyatlari federatsiyasi faoliyat ko‘rsatmoqda.

Shu bilan birga, hozirda mamlakatimizda iste’molchilar huquqlarini himoya qilish, tovarlar (ishlar, xizmatlar) xavfsiz bo‘lishi va ularning sifatini nazorat qilish bo‘yicha davlat va jamoatchilik nazoratini joriy holatini bugungi kun talablariga javob beradi, deb bo‘lmaydi. Bu borada chuqur tahlil qilish hamda ularni kelgusida rivojlantirish yuzasidan chora-tadbirlar ishlab chiqish dolzarb vazifa hisoblanadi.

Mazkur yo‘nalishda jamoatchilik fikrini o‘rganish maqsadida, Sizdan quyidagi BYESHTA SAVOLGA javob berish orqali so‘rovda ishtirok etishingizni va o‘z fikr-muloxazalaringizni bildirishingizni so‘raymiz.

 

 

??????? Orphus
Matnni eshitish uchun quyidagini bosing! GSpeech